غزل - بے سود کاوشوں

بے سود کاوشوں کو روح پالتی گئ

اثبات کی تو خیر محلت نفی گئی

وہ صبح،  وہ پیام،  وہ ترسیل، مرحبا 

سارے مؤذنوں کی زباں  کاٹ دی گئی

اک لاش کوہکن کی کتھا ایک یگ کے بعد

اک کوہ بے ستوں کی زبانی سنی گئی

قوس قزح کو دیکھنے کے جرم میں یاروں

کم سن نظر سے روشنی بھی چھین لی گئی

اے بحر بے کراں  کوئی آواز تو اٹھا

تیری تلاش میں لبوں سے تشنگی گئی

اس بے چراغ ماں کی ایڑیوں میں تھا خدا

جو سینۂ زمیں کو چیرتی چلی گئی